Kryeministri Edi Rama ka treguar sot nga foltorja e Kuvendit pse e ka votuar Ilir Metën si president.

‘Ilir Meta u zgjodh president me votat e tij dhe votat tona mund ta pengonin zgjedhjen e tij po nuk mjaftonin për të zgjedhur një president pa Ilir Metën’, u shpreh Rama.

Më tej kryeministri tha se Meta tashmë e ka humbur të drejtën të qendrojë në zyrën e presidentit pa pëlqimin e tyre.

‘E kam votuar Ilir Metën si president i Republikës së Shqipërisë, gjithkush në këtë sallë që ishte njësoj si unë këtu ka bërë të njëjtën gjë.

Shumëkush më ka kritikuar në rrjetin tim social vazhdmisht më zhdëpin për zgjedhjen e tij, jo pak më kanë mallkuar dhe sa shfaqet Iliri me ndonjë nga paudhësitë e veta më përvishen mua të gjithë.

Nuk ja penduar, po të ktheheshim mbrapsht në kohë do bëja të njëjtën gjë, për shumë arsye. Meta e ka humbur të drejtën të qendrojë në zyrën e presidentit me pëlqimin tonë’, u shpreh Rama.