Një debat të ashpër ka pasur në rrjet mes deputetit Ralf Gjoni dhe ish-ministrit të Drejtësisë Ylli Manjanit në lidhje me shkarkimin e Metës si president. Theksojmë se një ditë më parë Gjoni u shpreh se do të votonte pro shkarkimit të Metës si president.

Menjëherë reagoi me një statues Manjani në lidhje me këtë deklaratë të deputetit, ku shkruan: “Hahahahahahahahahaaha.. Asnjë surprizë nuk arrin të bëjë i gjori Ralf. Që në fillim e parashikuam se do marrë mandatin të shkarkojë Metën… Hahahahahahahahah….”

Kjo batutë nuk i ka pëlqyer aspak Ralfit i cili e akuzon Manjanin se ka dhënë tendera dhe se pret mëshirën e Monika Kryemadhit nëse do ta bëjë deputet apo jo.

Por ish-ministri ka qenë i ashpër në përgjigjen e tij ku ndër të tjera thotë se nuk i rruhet për hallet që deputeti ka me LSI-në. Manjani sqaron se shprehur se tenderat janë marrë në vëzhgim një më një, dhe nuk është gjetur asnjëlloj shkelje. Ai madje e quan kastravec deputetin Gjoni dhe se nuk kupton asgjë.

DEBATI:

Ralf Gjoni: Ylli Manjani ti duhet te kalosh permes nje procesi teresor dezinfektimi perpara se te lakosh emrin tim ne publik. Une s’kam qene ndonjehere minister e as nuk kam firmosur ndonjehere per tendera. Une po luftoj sot ne Parlament qe njerez si ti te mos mbeten me ne meshiren e Monikes nese te ben apo jo deputet, por te mbeten ne deshiren e njerezve qe meritojne te votojne te lire, me lista te hapura. Nese kjo ty te bezdis, me vjen keq per ty. Ama mos harro se si ke uleritur edhe ti bashke me mua per ndryshimin e sistemit. Mos harro as greven e urise te Ilir Metes e te LSI kunder ndryshimeve te 2008. Kjo me ka bashkuar me te per vite me radhe e per ate kam luftuar ne ate parti. Nese ti dhe kushdo tjeter keni ndryshuar qendrim, kjo eshte puna juaj. Une s’kam levizur asnje presje nga qendrimet e mia, qe prej vitit 2009! Ndryshim sistemi, hapje listash, dhe atehere hajde provojme forcat ne terren. Por s’ta mban as ty, e as kryetares tende…

Ylli Manjani: Ralf Gjoni si fillim ti dhe lakejt ku po shërben i kërkuat me qiri ato tenderat po su doli asnjëri i imi. Ndaj mundohu të mos hash vetem gazeta se nuk të bëjnë mire. Se dyti, hallet e tua me LSI mund tja thuash atyre dhe jo mua, se nuk më rruhet! Së treti nuk kisha ndërmend të lakoja emrin tënd, por tani që ma shtive ndërmend po e lakoj dhe e di si më del? Lake… Lake që po na bëke çmos të rregullosh sistemin zgjedhor! O pika sistemit e zgjedhjeve që do u rregullokan nga ty. Po ku ke haber nga sistemi ti mor aman?! Së katërti, ndryshimin e mendimit përpiqu ta shohqësh tek vetja. Vetëm me pak ditë ndryshove nga nuk marr mandat tek e mora mandatin… Së fundi, pirdhu megjithë atë terrenin tat, se hyre e dole kastravec. Nuk kuptove asgje. Sa për kryetarë, do të të duhet pak kohë të vish në nivelin tim të kritikës. Tja kalosh mirë aty ku ha pilaf !