Një tornado e rrallë përfshiu jug-perëndimin e Luksemburgut dy ditë më parë, duke shkaktuar 19 persona të plagosur, dy prej të cilve ndodhen në gjendje të rëndë.

Gjithashtu raportohet se 15 lojtarë futbolli u dëmtuan nga një shkëndijë e fortë rrufeje në jug të Gjermanisë, për shkak të stuhisë së pazakontë që goditi këtë pjesë të Europës, pasditen e së premtes.

Tornadoja në Luksemburg, e cila përfshiu komunitetet e Pettingen dhe Kaerjeng, shkatërroi mbi 100 banesa. Disa makina u dëmtuan ndërsa dëmet në rrugë, biznese dhe ambientet publike nuk janë llogaritur ende.

Pamjet e publikuara në rrjetet sociale tregojnë tornadot me shpejtësi deri në 128 km/h që shkatërrojnë çatitë e banesave, makinat dhe rrëzojnë pemë.

Kryeministri i Luksemburgut bëri me dije se është ngritur një grup emergjence për këtë fatkeqësi dhe qeveria do t’u vijë në ndihmë banorëve të prekur nga shkatërrimi.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP